לימודים מספר איוב- פרק שביעי- וַתִּפְקְדֶ֥נּוּ לִבְקָרִ֑ים לִ֝רְגָעִ֗ים תִּבְחָנֶֽנּוּ:

איוב – פרק שביעיוַתִּפְקְדֶ֥נּוּ לִבְקָרִ֑ים לִ֝רְגָעִ֗ים תִּבְחָנֶֽנּוּ:

הֲלֹאצָבָ֣א לֶאֱנ֣וֹשׁ (על)-עֲלֵיאָ֑רֶץ וְכִימֵ֖י שָׂכִ֣יר יָמָֽיו:  כְּעֶ֥בֶד יִשְׁאַףצֵ֑ל וּ֝כְשָׂכִ֗יר יְקַוֶּ֥ה פָעֳלֽוֹ: כֵּ֤ן הָנְחַ֣לְתִּי לִ֭י יַרְחֵישָׁ֑וְא וְלֵיל֥וֹת עָ֝מָ֗ל מִנּוּלִֽי: אִםשָׁכַ֗בְתִּי וְאָמַ֗רְתִּי מָתַ֣י אָ֭קוּם וּמִדַּדעָ֑רֶב וְשָׂבַ֖עְתִּי נְדֻדִ֣ים עֲדֵינָֽשֶׁף:  לָ֘בַ֤שׁ בְּשָׂרִ֣י רִ֭מָּה (וגיש) וְג֣וּשׁ עָפָ֑ר עוֹרִ֥י רָ֝גַ֗ע וַיִּמָּאֵֽס: יָמַ֣י קַ֭לּוּ מִנִּיאָ֑רֶג וַ֝יִּכְל֗וּ בְּאֶ֣פֶס תִּקְוָֽה:  זְ֭כֹר כִּיר֣וּחַ חַיָּ֑י לֹאתָשׁ֥וּב עֵ֝ינִ֗י לִרְא֥וֹת טֽוֹב:  לֹֽאתְ֭שׁוּרֵנִי עֵ֣ין רֹ֑אִי עֵינֶ֖יךָ בִּ֣י וְאֵינֶֽנִּי:  כָּלָ֣ה עָ֭נָן וַיֵּלַ֑ךְ כֵּ֥ן יוֹרֵ֥ד שְׁ֝א֗וֹל לֹ֣א יַעֲלֶֽה: לֹאיָשׁ֣וּב ע֣וֹד לְבֵית֑וֹ וְלֹאיַכִּירֶ֖נּוּ ע֣וֹד מְקֹמֽוֹ:  גַּםאֲנִי֮ לֹ֤א אֶחֱשָׂ֫ךְ פִּ֥י אֲֽ֭דַבְּרָה בְּצַ֣ר רוּחִ֑י אָ֝שִׂ֗יחָה בְּמַ֣ר נַפְשִֽׁי: הֲֽיָםאָ֭נִי אִםתַּנִּ֑ין כִּֽיתָשִׂ֖ים עָלַ֣י מִשְׁמָֽר: כִּֽיאָ֭מַרְתִּי תְּנַחֲמֵ֣נִי עַרְשִׂ֑י יִשָּׂ֥א בְ֝שִׂיחִ֗י מִשְׁכָּבִֽי: וְחִתַּתַּ֥נִי בַחֲלֹמ֑וֹת וּֽמֵחֶזְיֹנ֥וֹת תְּבַעֲתַֽנִּי: וַתִּבְחַ֣ר מַחֲנָ֣ק נַפְשִׁ֑י מָ֝֗וֶת מֵֽעַצְמוֹתָֽי:  מָ֭אַסְתִּי לֹאלְעֹלָ֣ם אֶֽחְיֶ֑ה חֲדַ֥ל מִ֝מֶּ֗נִּי כִּיהֶ֥בֶל יָמָֽי: מָֽהאֱ֭נוֹשׁ כִּ֣י תְגַדְּלֶ֑נּוּ וְכִיתָשִׁ֖ית אֵלָ֣יו לִבֶּֽךָ:  וַתִּפְקְדֶ֥נּוּ לִבְקָרִ֑ים לִ֝רְגָעִ֗ים תִּבְחָנֶֽנּוּ: כַּ֭מָּה לֹאתִשְׁעֶ֣ה מִמֶּ֑נִּי לֹֽאתַ֝רְפֵּ֗נִי עַדבִּלְעִ֥י רֻקִּֽי: חָטָ֡אתִי מָ֤ה אֶפְעַ֨ל | לָךְ֮ נֹצֵ֪ר הָאָ֫דָ֥ם לָ֤מָה שַׂמְתַּ֣נִי לְמִפְגָּ֣ע לָ֑ךְ וָאֶהְיֶ֖ה עָלַ֣י לְמַשָּֽׂא:  וּמֶ֤ה | לֹאתִשָּׂ֣א פִשְׁעִי֮ וְתַעֲבִ֪יר אֶתעֲוֹ֫נִ֥י כִּֽיעַ֭תָּה לֶעָפָ֣ר אֶשְׁכָּ֑ב וְשִׁ֖חֲרְתַּ֣נִי וְאֵינֶֽנִּי:

זְ֭כֹר כִּיר֣וּחַ חַיָּ֑י לֹאתָשׁ֥וּב עֵ֝ינִ֗י לִרְא֥וֹת טֽוֹב:  לֹֽאתְ֭שׁוּרֵנִי עֵ֣ין רֹ֑אִי עֵינֶ֖יךָ בִּ֣י וְאֵינֶֽנִּי:  כָּלָ֣ה עָ֭נָן וַיֵּלַ֑ךְ כֵּ֥ן יוֹרֵ֥ד שְׁ֝א֗וֹל לֹ֣א יַעֲלֶֽה: לֹאיָשׁ֣וּב ע֣וֹד לְבֵית֑וֹ וְלֹאיַכִּירֶ֖נּוּ ע֣וֹד מְקֹמֽוֹ: איוב.

הֶרֶף מֵאַף וַעֲזֹב חֵמָה אַל תִּתְחַר אַךְ לְהָרֵעַ: כִּי מְרֵעִים יִכָּרֵתוּן וְקוֵֹי יְהוָה הֵמָּה יִירְשׁוּ אָרֶץ:  וְעוֹד מְעַט וְאֵין רָשָׁע וְהִתְבּוֹנַנְתָּ עַל מְקוֹמוֹ וְאֵינֶנּוּ: וַעֲנָוִים יִירְשׁוּ אָרֶץ וְהִתְעַנְּגוּ עַל רֹב שָׁלוֹם: תהלים.

כִּי הוּא יָדַע יִצְרֵנוּ זָכוּר כִּי עָפָר אֲנָחְנוּ:  אֱנוֹשׁ כֶּחָצִיר יָמָיו כְּצִיץ הַשָּׂדֶה כֵּן יָצִיץ: כִּי רוּחַ עָבְרָה בּוֹ וְאֵינֶנּוּ וְלֹא יַכִּירֶנּוּ עוֹד מְקוֹמוֹ: תהלים.

מָֽהאֱ֭נוֹשׁ כִּ֣י תְגַדְּלֶ֑נּוּ וְכִיתָשִׁ֖ית אֵלָ֣יו לִבֶּֽךָ:  וַתִּפְקְדֶ֥נּוּ לִבְקָרִ֑ים לִ֝רְגָעִ֗ים תִּבְחָנֶֽנּוּ: איוב.

מָה אֱנוֹשׁ כִּי תִזְכְּרֶנּוּ וּבֶן אָדָם כִּי תִפְקְדֶנּוּ: וַתְּחַסְּרֵהוּ מְּעַט מֵאֱלֹהִים וְכָבוֹד וְהָדָר תְּעַטְּרֵהוּ: תהלים.